Պաղեստինյան ՀԱՄԱՍ շարժումը պաշտոնների չի ձգտում Գազայի հատվածի վարչակազմում, բայց պատրաստ է կատարել պաղեստինյան ժողովրդի կողմից պահանջվող ցանկացած դեր։ Այս մասին ՏԱՍՍ-ի թղթակցին ասել է Իրանում ՀԱՄԱՍ-ի ներկայացուցիչ Խալեդ ալ-Քադդումին՝ նշելով, որ «շարժումը դեռևս չի որոշել, թե ինչպես է քաղաքականապես մասնակցելու առաջիկա ընտրություններին»։
«Մենք պաղեստինյան ժողովրդի ծառաներն ենք, մենք նրանց իրավունքների պահապաններն ենք։ Ինչ դեր էլ որ պահանջվի մեզանից, մենք այն կկատարենք։ Մենք պաշտոնների կամ հեղինակավոր դերերի չենք ձգտի», – ասել է շարժման ներկայացուցիչը։ Նա ընդգծել է, որ Գազայի հատվածը «շարունակում է ապրել օկուպացիայի տակ»։ «Այժմ մենք պետք է կենտրոնանանք միակ հարցի վրա՝ ինչպես ապահովել, որ Գազայի պաղեստինյան ժողովուրդը կարողանա ապրել անվտանգության մեջ և վայելել այն հիմնական իրավունքները, որոնք պետք է ունենա յուրաքանչյուր ժողովուրդ», – ասել է ալ-Քադդումին։
Շարժման ներկայացուցչի խոսքով՝ ՀԱՄԱՍ-ը պահպանում է իր կարգավիճակը որպես պաղեստինյան հասարակության քաղաքական ուժերից մեկը, բայց ներկա պայմաններում պատրաստ է հնարավորություն տալ ազգային նախաձեռնություններին։