Իսրայելը երկրորդ օրն անընդմեջ հրթիռակոծել է Գազայի հատվածը, զոհվել է առնվազն ինը պաղեստինցի։ Զինվորականները հայտարարել են, որ հարվածները թիրախավորել են Համասի էլիտար «Նուխբա» ուժերի երկու հրամանատարների։ Պաղեստինի իշխանությունների խոսքով, մինչդեռ, դրանց հետևանքով խաղաղ բնակիչներ են զոհվել։
Իսրայելի էներգետիկայի նախարար Էլի Քոհենը այսօր հայտարարել է, որ Իսրայելը, որն արդեն վերահսկում է Գազայի հատվածի 70%-ը, պետք է լիակատար վերահսկողություն հաստատի տարածքի նկատմամբ։
Քոհենը վարչապետ Նեթանյահուի անվտանգության կաբինետի անդամ է, կառույց, որը վերահսկում է երկրի անվտանգության և դիվանագիտական քաղաքականությունը։
Թեև անցած հինգշաբթի նախագահ Թրամփը հայտարարել էր, թե հակամարտությունը դադարեցնելու շուրջ առաջընթաց է գրանցվել, երբ Համասը համաձայնվել է զինաթափվել, ռազմական գործողությունները լիովին չեն դադարել։
Հոկտեմբերին ԱՄՆ միջնորդությամբ կնքված հրադադարից ի վեր Իսրայելի հարվածներից զոհվել է առնվազն 1230 պաղեստինցի։