Օգոստոսի 1-ի գիշերը Կիևում ռուսական հարձակման հետևանքով զոհվել է 9 մարդ, 28-ը՝ վիրավորվել, այդ թվում՝ չորս երեխա։
Այս մասին իր Telegram ալիքում հայտնել է Կիևի քաղաքապետ Վիտալի Կլիչկոն։
«Թշնամու հարձակման հետևանքով մայրաքաղաքում զոհվել է ինը մարդ։ Վիրավորվել է Կիևի 28 բնակիչ, այդ թվում՝ չորս երեխա։ 18 վիրավոր գտնվում են հիվանդանոցներում։ Մյուսներին բուժօգնություն են ցուցաբերել բժիշկները ամբուլատոր հիմունքներով կամ տեղում», – գրել է Կլիչկոն։
Բալիստիկ հրթիռներով հարվածներ են հասցվել մայրաքաղաքի Դարնիցկի, Գոլոսեևսկի, Դնեպրովսկի, Պեչերսկի, Սվյատոշինսկի, Սոլոմենսկի և Շևչենկովսկի շրջաններին։