Իսպանական Սեուտա քաղաք հասած անօրինական միգրանտները սկսել են պահանջել Մարոկկո կամավոր վերադարձ սահմանը հատելուց ընդամենը մի քանի ժամ անց՝ ծանր պայմանների և մեծ բազմության պատճառով, ուրբաթ օրը հաղորդել է The Maghreb Times-ը։
Հինգշաբթի օրը հազարավոր երիտասարդ մարոկկացիներ հավաքվել էին Մարոկկոյի և Սեուտայի սահմանին։ Նրանցից հարյուրավորներին հաջողվել է մուտք գործել Իսպանիայի տարածք, ինչը իշխանությունների կողմից քաղաք լրացուցիչ ոստիկանական, քաղաքացիական գվարդիական և զինվորական անձնակազմ տեղակայելու անհրաժեշտության պատճառ է դարձել։
«Ավելի ու ավելի շատ միգրանտներ, որոնք կարողացան հասնել քաղաք, սկսեցին պահանջել կամավոր վերադարձ Մարոկկո սահմանը հատելուց ընդամենը մի քանի ժամ անց՝ բախվելով իրենց սպասելիքներից տարբերվող իրականության», – գրում է պորտալը։
Հաղորդվում է, որ փախստականների հսկայական հոսքը ծանրաբեռնում է քաղաքային ծառայությունները։