Այսօր վաղ առավոտվանից իրավապահները խուզարկում են «Ուժեղ Հայաստան» կուսակցությունից ԱԺ պատգամավոր Նարեկ Կարապետյանի առանձնատունը։
Քննչական կոմիտեից լրատվամիջոցներին հայտնել են, որ քննչական գործողություններն իրականացվում են հավաքներին մասնակցելու համար անձանց նյութապես շահագրգռելու եւ առանձնապես խոշոր չափերով փողերի լվացման գործի` Ալեքսան Ալեքսանյանի նկատմամբ հարուցված քրեական վարույթի շրջանակում։ Խոսքը վերաբերում է հավաքներին մասնակցելու համար անձանց նյութապես շահագրգռելուն եւ առանձնապես խոշոր չափերով փողերի լվացմանը։
Ավելի վաղ հայտնի էր դարձել, որ դատախազը Նարեկ Կարապետյանի նկատմամբ հանրային քրեական հետապնդում է հարուցել Քրեական օրենսգրքի 236-րդ հոդվածի 2-րդ մասի՝ «հավաքին մասնակցելուն հարկադրելը՝ բռնություն գործադրելու կամ սպառնալիքի միջոցով», եւ 296-րդ հոդվածի 3-րդ մասի 3-րդ կետի՝ «առանձնապես խոշոր չափերով փողերի լվացումը» հատկանիշներով: Կենտրոնական ընտրական հանձնաժողովը բավարարել էր Գլխավոր դատախազության միջնորդությունը՝ նրա նկատմամբ քրեական հետապնդում հարուցելու վերաբերյալ։