Ճապոնիայի Կումամոտո պրեֆեկտուրայում հուլիսի 28-ին տեղի ունեցած ավերիչ երկրաշարժի զոհերի թիվը հասել է 28-ի, հայտնել է երկրի Նախարարների կաբինետի գլխավոր քարտուղար Մինորու Կիհարան։
Զոհերի թվում ներառված են ինչպես անմիջականորեն փլատակների տակ մնացած, այնպես էլ տարհանման ընթացքում քրոնիկ հիվանդությունների սրման հետևանքով մահացած քաղաքացիները։
Առնվազն հինգ տուժած գտնվում է ծայրահեղ ծանր վիճակում. փրկարարները շարունակում են անհետ կորածների որոնողական աշխատանքները։
Տարերային աղետը հանգեցրել է բնակելի տների, կամուրջների և ճանապարհների զանգվածային փլուզումների։ Մասնավորապես՝ Կասիմա ավանի «Aeon Mall Kumamoto» առևտրի կենտրոնում տեղի ունեցած պայթյունի և դրան հաջորդած փլուզման հետևանքով հինգ մարդ է զոհվել։
Շուրջ 10 հազար բնակիչ է տարհանվել և տեղափոխվել ժամանակավոր կացարաններ, որտեղ հումանիտար իրավիճակը խիստ բարդանում է տարածաշրջանում հաստատված անոմալ տապի պատճառով։
Բացի այդ, տասնյակ հազարավոր տնային տնտեսություններ շարունակում են մնալ առանց էլեկտրամատակարարման և խմելու ջրի։ Աղետի գոտում հետևանքների վերացման և բնակչությանը հրատապ օգնություն ցուցաբերելու նպատակով ներգրավվել է շուրջ 4,6 հազար զինծառայող։