«Վեոլիա Ջուր» ընկերության կապալառու «Լեգենդ» ընկերությունը անօրինական ծառահատում է իրականացնում Նոր Նորքի 2-րդ անգվածի Մոլդովական թաղամասում: Այս մասին ահազանգում է բնապահպան-ակտիվիստ Էդուարդ Հայրումյանը։
«Մոլդովական 26/2 հասցեում, արդեն 4 ծառ են հատել, իբր կոյուղի պետք է նորոգեն»,-ասաց Հայրումյանը:
Նրա ահազանգին արձագանքելով, դեպքի վայր է եկել «Կանաչապատում և շրջակա միջավայրի պահպանություն» ՀՈԱԿ-ի աշխատակիցը: Պարզվել է, որ վերջինսն ծառահատման թույլտվություն չի տվել:
«Վեոլիա Ջուր» ընկերության աշխատակից նշեց, որ այդ թույլտվությունը տվել են Նոր Նորքի վարչական շրջանից: Նա ցույց տվեց վարչական շրջանի ղեկավարի ստորագրութամբ ծառերը հայտելու թույլտվության գրությունը, ըստ որի՝ վարչական շրջանի 2-րդ զանգված 47 շենքի կոյուղագծի և դիտահորի վրա ժամանակի ընթացքում կատարվել են ցանկապատման և ծառատնկման աշխատանքներ և կոյուղին նորոգելու համար պետք է բոլոր ծառերը հատվեն։
«Վարչական շրջանը «Վեոլիա Ջուր» ընկերությանը տվել է ծառերի հատման իրավունք, բայց այդ լիազորությունը նա չունի, այն անում է միայն քաղաքապետարանի Կանաչապատման և կառուցապատման ստորաբաժանումը և Բնապահպանության և ընդերքի տեսչական մարմինը»,- ասաց Հայրումյանը:
Բնապահպանության և ընդերքի տեսխական մարմնի աշխատակիցները ժամանակավորապես դադարեցրեցին աշխատանքները, նյութերը փոխանցելով ոստիկանություն։