Իրանի ղեկավարությունը ընդլայնում է Իսրայելին ուղղված իր գաղտնի ահաբեկչական ցանցի շրջանակը: Թեհրանը ձգտում է զինված հարձակումներ իրականացնել անմիջապես Իսրայելի ներքին տարածքներում, հաղորդում է Ynet-ը։
Մոսադը առաջին անգամ բացահայտել է լայնածավալ, բազմաշերտ հակահետախուզական գործողության մանրամասները:
Անվտանգության ուժերին հաջողվել է խափանել Իրանի համարձակ ծրագիրը՝ հրեական պետություն ներթափանցելու պրոֆեսիոնալ ահաբեկչական խումբ, որի նպատակն էր ֆիզիկապես սպանել իսրայելցի բարձրաստիճան պաշտոնյաներին:
Իսրայելական հետախուզական գործակալությունների տվյալներով՝ Իրանի հետախուզության նախարարությունը, Իսլամական հեղափոխության պահապանների կորպուսի (ԻՀՊԿ) հետ համատեղ, տարիներ շարունակ կառուցել է լայնածավալ համաշխարհային ցանց՝ ամբողջ աշխարհում իսրայելական և հրեական թիրախների վրա հարձակվելու համար։ Սակայն, վերջերս Թեհրանը նկատելիորեն փոխել է իր ուշադրությունը՝ փորձելով իր դիվերսիոն գործունեությունը տեղափոխել անմիջապես Իսրայել, գրում է հրատարակությունը։