Իսրայելի վարչապետ Բենիամին Նեթանյահուն ժամանել է Վաշինգտոն՝ ԱՄՆ նախագահ Դոնալդ Թրամփի հետ հանդիպելու, հաղորդում է Times of Israel-ը։
«Նեթանյահուն Վաշինգտոն է ժամանել երեքշաբթի օրը Սպիտակ տանը ԱՄՆ նախագահ Դոնալդ Թրամփի հետ հանդիպումից առաջ», – հաղորդում է Times of Israel-ը։
Ավելի վաղ Սպիտակ տունը «ՌԻԱ Նովոստի»-ին հայտնել էր, որ Թրամփը երեքշաբթի օրը Նեթանյահուի հետ հանդիպման ժամանակ կքննարկի Իրանի շուրջ ստեղծված իրավիճակը, Աբրահամի համաձայնագրերի ընդլայնումը և Լիբանանի համաձայնագիրը։
Իսրայելի վարչապետը նախկինում հայտարարել էր, որ Թրամփի հետ առաջիկա հանդիպումը կլինի իր ութերորդը՝ նշելով, որ ոչ մի այլ համաշխարհային առաջնորդ այդքան հաճախ չի հանդիպել ԱՄՆ նախագահի հետ։