Չինաստանի հյուսիս-արևմուտքում գտնվող Գանսու նահանգում տեղի ունեցած հեղեղումների հետևանքով առնվազն 10 մարդ մահացել է, ևս 23-ը վիրավորվել են։ Այս մասին հայտնել է «Xinhua» լրատվական գործակալությունը՝ հղում անելով Դինսի քաղաքի Վեյյուան շրջանի իշխանություններին։
Հեղեղները տեղի են ունեցել հուլիսի 26-ի կեսօրին զբոսաշրջային գոտում՝ կարճատև, ուժեղ անձրևների պատճառով։ Արդյունքում մի քանի զբոսաշրջիկներ, որոնք ճամբար էին խփել, արգելափակվել են։
Դեպքի վայրում աշխատում են ոստիկանությունը, հրշեջները և այլ արտակարգ ծառայություններ։ Որոնողական-փրկարարական աշխատանքները շարունակվում են։