Չինաստանը բարձր է գնահատում Պակիստանի միջնորդական դերը ԱՄՆ-ի և Իրանի միջև զինված հակամարտության կարգավորման գործում: Չինաստանի արտաքին գործերի նախարար Վան Ին հայտարարել է, որ Չինաստանը կաջակցի Իսլամաբադի ջանքերին այս ուղղությամբ։
«Չինաստանը բարձր է գնահատում Պակիստանի կողմից Իրանի և ԱՄՆ-ի միջև փոխըմբռնման հուշագրի կնքման գործում խաղացած կարևոր դերը: Մենք կշարունակենք լիովին աջակցել Պակիստանին նրա միջնորդության գործում, նպաստել բոլոր կողմերի վերադարձին երկխոսության և բանակցությունների, ինչպես նաև նպաստել ռազմական գործողությունների երկարատև դադարեցմանը», – Վան Իի խոսքերն է մեջբերել Չինաստանի արտաքին գործերի նախարարության կայքը:
Նա հուլիսի 24-ին հանդիպել է իր պակիստանցի գործընկեր Իսհակ Դարի հետ Ղրղզստանի Չոլպոն-Աթա քաղաքում, որտեղ տեղի է ունեցել Շանհայի համագործակցության կազմակերպության (ՇՀԿ) արտաքին գործերի նախարարների խորհրդի նիստը։
Չինաստանի արտաքին գործերի նախարարը ընդգծել է, որ Պեկինը պատրաստ է ամրապնդել համագործակցությունը Իսլամաբադի հետ բազմակողմ ձևաչափերով, ինչպիսիք են ՇՀԿ-ն և ՄԱԿ-ը, և համատեղ պաշտպանել երկու երկրների շահերը և գլոբալ հարավի պետությունների օրինական իրավունքներն ու շահերը: Նա նշել է, որ Չինաստան-Պակիստան հարաբերությունները «միշտ գտնվում են իրենց ժամանակի առաջնագծում»: