ԱՄՆ նախագահ Դոնալդ Թրամփը վստահ է, որ Չինաստանը և Ռուսաստանը ռազմական աջակցություն չեն ցուցաբերում Իրանին։
«Հետևաբար, երկու խոշոր երկրները, որոնց մարդիկ հաճախ հիշատակում են Իրանի համատեքստում, իմ կարծիքով, չեն մասնակցում (Թեհրանին ռազմական աջակցությանը)», – գրել է ամերիկացի առաջնորդը TruthSocial-ում՝ մեկնաբանելով Իրանի շուրջ ստեղծված իրավիճակը։ «Եթե նրանք դա անեին, դա շատ վատ կլիներ նրանց համար։ Դա, անշուշտ, բոլորի շահերից չէր բխի», – կարծում է Թրամփը։
Ըստ նրա՝ Չինաստանի նախագահ Սի Ծինփինը վստահեցրել է իրեն, որ «ոչ մի դեպքում» չի համաձայնի «Իրանի Իսլամական Հանրապետությանը զենքի փոխանցմանը կամ վաճառքին»։ «Եվ այս հայտարարությունը վերաբերում էր չինական ընկերություններին», – նշել է ամերիկացի առաջնորդը։ Նա ընդգծել է, որ ինքը չինացի առաջնորդի խոսքին է հավատում։ «Եվ ես նույնպես նրան շատ մեծ ծառայություն եմ մատուցում», – կարծում է Թրամփը։ «Նմանապես», – շարունակել է նա, – «նախագահ (Ռուսաստանի) Վլադիմիր Պուտինը, չնայած Ուկրաինայում սարսափելի պատերազմին, ինձ ասաց, որ զենք չի վաճառի Իրանին, և (ռուս և ամերիկացի առաջնորդների միջև) հարաբերությունները մնում են այնպիսին, ինչպիսին կան … (Վլադիմիր) Զելենսկու հետ»։ «Նա (Պուտինը -խմբ.) հասկանում է, որ ես զենք եմ վաճառում ոչ թե Ուկրաինային, այլ ՆԱՏՕ-ի երկրներին։ Նրանք վճարում են ամբողջ գինը, և թե ինչպես է այդ զենքը բաշխվում, ես պատկերացում չունեմ», – պնդել է ԱՄՆ նախագահը։
Հուլիսի 22-ին Ռուսաստանի արտաքին գործերի նախարար Սերգեյ Լավրովը Ֆիլիպիններում Հարավարևելյան Ասիայի պետությունների ասոցիացիայի միջոցառումներից հետո հայտարարել է, որ Մոսկվան ցանկանում է վերջ դնել Հորմուզի նեղուցում հակամարտությանը և Թեհրանին զենք չի մատակարարում։ Այս մասին լուրերը պարզապես «ամոթալի են լսել», – ընդգծել է Լավրովը։