Հրաձիգ Աիդա Ազատյանը հռչակվել է երիտասարդների ԱԱ-ի հաղթող, հայտնում է Հայաստանի հրաձգության ֆեդերացիան։
Շարժվող թիրախ խառը վազք մրցաձևի երիտասարդ աղջիկների պայքարում Ազատյանը 379 միավոր արդյունքով նվաճել է աշխարհի առաջնության ոսկե մեդալը։
Թիմային պայքարում Ազատյանը, Անահիտ Սարգսյանը և Լիլիթ Մկրտչյանը 1095 միավոր արդյունքով զբաղեցրել են երկրորդ տեղը։
Այսօր ավելի վաղ Հայաստանը ներկայացնող Հայկ Մինասյանը դարձել էր շարժվող թիրախ մրցաձևի աշխարհի առաջնության չեմպիոն։
Առաջնությունն անցկացվում է հուլիսի 20-ից 26-ը Տալլինում: Մրցումներին մասնակցում է 17 երկրից շուրջ 80 մարզիկ։
Հայաստանը ներկայացնում են Մարի Ղազարյանը, Համլետ Կարենյանը, Լիլիթ Մկրտչյանը, Գոռ Խաչատրյանը, Անահիտ Սարգսյանը, Հովհաննես Մարգարյանը, Աիդա Ազատյանը, Գոռ Մարտիրոսյանը, Արուսյակ Գրիգորյանը, Հայկ Մինասյանը և Մանվել Միրզոյանը։
