Վերջին երկու շաբաթների ընթացքում Իրանի դեմ ԱՄՆ ռազմական գործողությունների ընթացքում մոտ 100 ամերիկացի զինծառայող տարբեր աստիճանի վնասվածքներ է ստացել։
Այս մասին սոցիալական ցանցերում հայտարարել է Պենտագոնի մամուլի քարտուղար Շոն Փարնելը։
«Չնայած 2026 թվականի հուլիսի 7-ից ի վեր մոտ 100 զինծառայող տարբեր աստիճանի վնասվածքներ է ստացել, նրանց 96%-ը վերադարձել է ծառայության։ Նրանք վճռականորեն տրամադրված են վերադառնալ մարտական գործողությունների», – գրել է նա։
Փարնելը ընդգծել է, որ ստացված վնասվածքների մեծ մասը թեթև ուղեղի ցնցումներ են:
Ավելի վաղ Մերձավոր Արևելքում ԱՄՆ կենտրոնական հրամանատարությունը հայտնել էր, որ հուլիսի 17-ին Հորդանանում իրանական հրթիռային և անօդաչու թռչող սարքերի հարձակումները հետ մղելիս երկու ամերիկացի զինծառայող է զոհվել, իսկ ևս մեկը անհետ կորել է։