Թուրքիայի առևտրի նախարարությունը տուգանել է Բոդրում թուրքական հանգստավայրի մի սրճարանի, որը սոցիալական ցանցերի ուշադրությունն էր գրավել մեկ գնդիկ պաղպաղակ 400 լիրայով (8.50 դոլար) վաճառելու համար: Նախարարության խոսնակ Բեքիր Կապլանի խոսքով՝ հաստատությունը խախտում է կանոնները։
Սոցիալական ցանցերում լայնորեն տարածվել է սրճարանի կարճ տեսանյութը, որտեղ աշխատակիցները մեկ գնդիկ պաղպաղակի գինը նշում են 400 լիրա:
Տեսանյութը նկարահանվել է նորաձև Յալիկավակ թաղամասում, որը աշխարհի միլիոնատերերի սիրելի հանգստավայր է: Բոդրումում գները տարեցտարի քննարկման թեմա են դարձել տեղացիների և զբոսաշրջիկների համար:
«Մենք բազմաթիվ բողոքներ ենք ստացել ինչպես սոցիալական ցանցերի, այնպես էլ CIMER համակարգի միջոցով, ինչը անհրաժեշտություն է առաջացրել հետաքննել Յալըքավակ սրճարանում գների վավերականությունը։ Հաստատության նկատմամբ վարչական միջոցներ են ձեռնարկվել գործունեության կանոնակարգը խախտելու համար։
Պաղպաղակի գների վերաբերյալ այս հարցը ներկայացվել է Գների վավերականության գնահատման խորհրդին», – ասել է Կապլանը «ՌԻԱ Նովոստի»-ի կողմից ստացված մամուլի հաղորդագրության մեջ։