Հուլիսի 21-25-ը «Դինամո» մարզադահլիճում կանցկացվի Երևանի քաղաքապետի գավաթի բռնցքամարտի միջազգային մրցաշարը, որն ընդգրկված է Եվրոպական բռնցքամարտի ֆեդերացիայի օրացուցային պլանում։ Այս մասին տեղեկացնում են Երևանի քաղաքապետարանից: Մրցումների մեկնարկը՝ հուլիսի 21-ին՝ ժամը 11:00:
Եզրափակիչ գոտեմարտերը կկայանան հուլիսի 25-ին՝ ժամը 15:00-ին:
Քաղաքապետարանը սիրով հրավիրում է բռնցքամարտի բոլոր սիրահարներին ներկա գտնվելու մրցաշարին և աջակցելու մարզիկներին։