16 հուլիսի 2026 – 10:41 AMT
PanARMENIAN.Net – Ֆուտբոլի աշխարհի 2026 թվականի առաջնության երկրորդ կիսաեզրափակչում Արգենտինայի հավաքականը 2։1 հաշվով հաղթանակ է տարել Անգլիայի նկատմամբ և դուրս եկել եզրափակիչ: Արգենտինան աշխարհի չեմպիոնի տիտղոսի համար կպայքարի Իսպանիայի հետ:
Կիսաեզրափակիչն անցկացվում էր ԱՄՆ-ի Ատլանտա քաղաքում։ Հանդիպման 55-րդ րոպեին հաշիվը բացել է Անգլիայի թիմի կիսապաշտպան Էնթոնի Գորդոնը, սակայն ուժերի դասավորությունը փոխվել է հանդիպման ավարտին։ Նախ 85-րդ րոպեին արգենտինացի Էնցո Ֆերնանդեսը վերականգնել է հավասարությունը, իսկ ավելացված ժամանակում Լաուտարո Մարտինեսը ապահովել է թիմի առավելությունը՝ ևս մեկ գոլ խփելով: Նրանց գոլային փոխանցումներ է կատարել հավաքականի ավագ Լիոնել Մեսսին:
Մեսսին հաղթանակից հետո գրառում է կատարել Instagram-ում՝ շնորհակալություն հայտնելով բոլոր նրանց, ովքեր հավատացին իր թիմին:
«Եզրափակչում։ Մենք կրկին ուժ գտանք մեր մեջ ևս մեկ գերազանց խաղ անցկացնելու համար», – գրել է Մեսսին:
Հուլիսի 18-ին կկայանա երրորդ տեղի համար հանդիպումը Ֆրանսիայի ու Անգլիայի միջև:
Աշխարհի առաջնության եզրափակիչը կկայանա հուլիսի 19-ին։