Միացյալ Նահանգների հետ փոխըմբռնման հուշագիրը իմաստալից է, երբ դրա դրույթները կատարվում են, հակառակ դեպքում Իրանը որևէ պատճառ չունի դրան հետևելու։ Այս մասին Իրանի ժողովրդին ուղղված իր ուղերձում նշել է Իսլամական Հանրապետության միապալատ խորհրդարանի (Մեջլիս) խոսնակ Մոհամմադ Բաղեր Ղալիբաֆը։
«(Միացյալ Նահանգների հետ) փոխըմբռնման հուշագիրը իմաստալից է, երբ դրա դրույթները կատարվում են։ Եթե Իրանը չօգտվի փոխըմբռնման հուշագրից, մենք որևէ պատճառ չունենք հավատարիմ մնալու նման համաձայնագրին», – ասվում է Ղալիբաֆի Telegram ալիքում հրապարակված տեքստում։ Նա ընդգծել է, որ Իրանի զինված ուժերը «ունեն գործողությունների լիակատար ազատություն թշնամու ագրեսիային հակազդելու համար»։