Եվրոպական հանձնաժողովի նախագահ Ուրսուլա ֆոն դեր Լայենը հայտարարել է Կիև ժամանելու մասին և նշել ԵՄ-ի և Ուկրաինայի պաշտպանական արդյունաբերությունները ինտեգրելու նոր նախաձեռնությունների մասին։
«Հենց նոր ժամանեցի Կիև՝ պատերազմական ժամանակաշրջանում Ուկրաինա կատարած իմ 11-րդ այցի շրջանակներում», – գրել է նա X սոցիալական ցանցում։
Ֆոն դեր Լայենը հավելել է, որ ավելի ուշ կհայտարարի ԵՄ-ի և Ուկրաինայի պաշտպանական արդյունաբերությունները ինտեգրելու նոր նախաձեռնությունների մասին։
«Մենք նաև կքննարկենք անդամակցության և ձմեռային նախապատրաստական աշխատանքները», – նշել է նա։