Իրանի արտաքին գործերի նախարար Աբբաս Արաղչին շաբաթ օրը սկսել է այցը Օման, հաղորդում է Tasnim լրատվական գործակալությունը։
Օմանի արտաքին գործերի նախարար Բադր ալ-Բուսաիդին հանդիպել է Արաղչիի հետ Սուլթանության արտաքին գործերի նախարարությունում։
Ավելի վաղ հայտարարվել էր, որ ԱՄՆ-ն և Իրանը նախատեսում են վերսկսել շփումները շաբաթ օրը Օմանում: CBS-ը հաղորդել էր, որ ԱՄՆ նախագահ Դոնալդ Թրամփը հանձնարարել է փոխնախագահ Ջ.Դ. Վենսին, փեսային՝ Ջարեդ Քուշներին, հատուկ դեսպանորդ Սթիվ Վիտկոֆին և պետքարտուղար Մարկո Ռուբիոյին շարունակել բանակցային գործընթացը. սակայն, պարզ չէ, թե ով կարող է մասնակցել Օմանում կայանալիք բանակցություններին:
Բացի այդ, ամերիկյան կողմը պահանջում է , որ Իրանը շաբաթ օրը կայանալիք բանակցությունների ժամանակ հրապարակավ ընդունի, որ Հորմուզի նեղուցը լիովին բաց է նավերի համար և ապահովի, որ այս տրանսպորտային միջանցքում իրավիճակը վերադառնա այն վիճակին, որը նախորդել էր տարածաշրջանում հակամարտության բռնկմանը 2026 թվականի փետրվարի 28-ին։