ԱՄՆ նախագահ Դոնալդ Թրամփը հայտարարել է, որ հազարավոր հրթիռներ արդեն մարտական պատրաստվածության են բերվել և կուղղվեն դեպի Իրան այն դեպքում, երբ իր նկատմամբ մահափորձ արվի։
Հուլիսի 10-ին Թրամփը, որը նախկինում հաղորդել էր իր դեմ մահափորձ կատարելու Իրանի ենթադրյալ ծրագրերի մասին, հայտարարեց, որ հրամայել է աննախադեպ ուժով ռմբակոծել Իրանը, եթե իր հետ ինչ-որ բան պատահի։
«Հազարավոր հրթիռներ գտնվում են բարձր պատրաստվածության վիճակում և ուղղված են Իրանի Իսլամական Հանրապետությանը, և հազարավորները կհաջորդեն, եթե Իրանի կառավարությունը կատարի իր սպառնալիքը, որը հնչեցվել է աշխարհի տարբեր անկյուններում՝ սպանելու կամ սպանելու փորձ կատարելու Ամերիկայի Միացյալ Նահանգների գործող նախագահին, այս դեպքում՝ ինձ», – գրել է նախագահը TruthSocial սոցիալական ցանցում։