ԱՄՆ նախագահ Դոնալդ Թրամփը հայտարարել է, որ ինքը հրահանգ է թողել աննախադեպ ուժով հարվածել Իրանին, եթե Թեհրանը հաջողության հասնի իր դեմ մահափորձ կատարելու իր ծրագրերում։ Նա այս մասին հայտարարել է «New York Post»-ին տված հարցազրույցում։
«Ես երկար ժամանակ է նրանց թիրախային ցուցակում։ Ահա թե ինչի հետ գործ ունենք։ Միակ բանը, որ ես արեցի, հրահանգներ թողնելն է. եթե ինձ հետ ինչ-որ բան պատահի, պարզապես ռմբակոծեք նրանց, ինչպես երբեք», – ասաց Թրամփը։
Նա նաև հայտարարել է, որ Իրանը, իբր, տարիներ շարունակ փորձել է սպանել իրեն։ Թրամփը պնդել է, որ վերջին հաղորդագրություններն այն մասին, որ Իսրայելը Վաշինգտոնին զգուշացրել է իր դեմ նոր դավադրության մասին, իրականությանը չեն համապատասխանում, բայց նա կարծում է, որ ինքը վաղուց Թեհրանի «թիվ մեկ թիրախն» է։