Ուիմպըլտընի թենիսի մրցաշարքը վերջին տարիներուն չունէր բրիտանացի աստղ մը, որ յաջորդէր Անտի Մարէյի, որ վերջին անգամ 10 տարիներ առաջ կրցած էր Ուիմպըլտընը շահիլ:
Այսօր սկսած է փայլիլ նոր աստղ մը, որուն անունն է Արթուր Ֆերի: Ֆերի, որ ծնունդով ֆրանսացի բրիտանացի մըն է, իր մօրմէն` Օլիվիա Ֆերիէն ստացած է թենիսի սէր, որովհետեւ վերջինս նախապէս թենիսի ասպարէզին մէջ եղած է, մինչ հայրը` Լոյք ֆրանսական Լորիէն ֆութպոլի ակումբի նախագահն է:
Արթուր Ֆերի այս տարի զտումի մրցումներէ կրցած է հասնիլ Ուիմպըլտըն եւ իրմէ շատ աւելի բարձր դասուած մարզիկներու կրցած է յաղթել: Թիւ 114 դասուած Ֆերի նախ դուրս ձգեց պոսնիացի թենիսմեն Տամիր Ճումհուրը (թիւ 105), ապա ֆինլանտացի Օթօ Վիթանենը, ապա պելճիքացի Զիզու Պերկզը (թիւ 37) եւ փորձառու Կրիկոր Տիմիթրովը (Պուլկարիա):
Քառորդ աւարտականին Ֆերիի մրցակիցը թիւ 10 թենիսմեն Ֆլավիօ Քոպոլլին էր: Բրիտանացի նոր աստղը 2 ժամուան ընթացքին 6-4, 7-6 եւ 6-0 արդիւնքով յաղթեց եւ այժմ հասած է կիսաւարտական, ուր պիտի մրցի գերմանացի Ալեքսանտր Զվերեւի դէմ (թիւ 2):
Կիսաւարտականի միւս մրցումը իրար դէմ պիտի հանէ թիւ 1 թենիսմեն Եաննիք Սինըրը եւ վեթերան Նովաք Ճոքովիչը (թիւ 7):
Աղջկանց կիսաւարտականը իրար դէմ պիտի հանէ Քոքօ Կաֆը (թիւ 7) եւ Քարոլինա Մուչովան (թիւ 10), իսկ երկրորդ մրցումին Լինտա Նոսքովան (թիւ 12) եւ Մարթա Քոսթիուքը (թիւ 13):