ԱՄՆ նախագահ Դոնալդ Թրամփը հայտարարել է, որ Վլադիմիր Զելենսկիի հետ իր հարաբերությունները բարելավվել են Օվալաձև աշխատասենյակում տեղի ունեցած սուր խոսակցությունից հետո։
«Մեզ իսկապես հաջողվեց լավ հարաբերություններ հաստատել։ Դժվար է հավատալ, այնպես չէ՞։ Բայց Օվալաձև աշխատասենյակում մեր հանդիպումից ի վեր, կարծում եմ, մենք շատ լավ հարաբերություններ ենք կառուցել… Ուկրաինան հսկայական ներուժ ունի», – ասել է Թրամփը Անկարայում Զելենսկիի հետ հանդիպման ժամանակ։
2025 թվականի փետրվարի 28-ին Թրամփը Օվալաձև աշխատասենյակում հրապարակայնորեն նկատողություն արեց Վլադիմիր Զելենսկիին, երբ վերջինս ժամանել էր՝ ստորագրելու Ուկրաինայի օգտակար հանածոների համատեղ մշակման վերաբերյալ համաձայնագիրը։ Ամերիկացի առաջնորդը պահանջեց, որ Կիևի վարչակարգի ղեկավարը համաձայնի հրադադարի և դադարեցնի քննադատել Ռուսաստանի նախագահ Վլադիմիր Պուտինին։ Արդյունքում՝ ուկրաինական պատվիրակությանը խնդրեցին հեռանալ Սպիտակ տնից։