Կարսէն մինչեւ Նախիջեւանի սահման կառուցուող երկաթուղին պիտի նպաստէ Թուրքիոյ, Ազրպէյճանի եւ Հայաստանի միջեւ կապերու ամրապնդման: «Ազերթաք» կը հաղորդէ, որ այս մասին յայտարարած է Թուրքիոյ փոխադրամիջոցներու նախարար Ապտուլքատիր Ուրալօղլու:
Ան երկաթուղիի կառուցումը կոչած է «Թուրքիոյ համար պետական առաջնահերթութիւն»:
Ուրալօղլու ընդգծած է, որ փոխադրամիջոցային նախագիծերը պարզապէս երկրի ենթակառոյցներուն մէջ ներդրումներ չեն, այլ ռազմավարական քայլեր, որոնք կը խթանեն արտադրութիւնը, արտածումը, զբաղուածութիւնը, շրջանային զարգացումը եւ միջազգային համագործակցութիւնը:
«Միայն վեջին 24 տարիներու ընթացքին Թուրքիոյ փոխադրամիջոցային ոլորտի եւ ենթակառոյցներուն մէջ ներդրումները հասած են 355 միլիառ տոլարի», նշած է թուրք նախարարը: