Ազգային ժողովի նախագահ Ալեն Սիմոնյանը խորհրդարանի ամբիոնից հանդես է եկել վերջին ելույթով՝ շնորհակալություն հայտնելով պատգամավորներին և ԱԺ աշխատակազմին համատեղ աշխատանքի համար։
«Պատմություն կերտեցինք միասին, և ես անկեղծ շատ հպարտ եմ։ Հպարտ եմ, որ միասին աշխատել ենք, հպարտ եմ, որ այդ ծանր բաների միջով միասին ենք անցել»,- ասել է Սիմոնյանը։
Ալեն Սիմոնյանը նաև ներողություն է խնդրել, եթե աշխատանքի ընթացքում որևէ մեկի նկատմամբ անարդար է եղել։
«Եթե աշխատանքի ընթացքում որևէ մեկի նկատմամբ անարդար եմ եղել, թող ներողամիտ լինեն։ Դուք գիտեք, որ ես բոլորիդ սիրում եմ, և որքան կարևոր եք բոլորդ ինձ համար։ Կեցցե՛ն նահատակները և կեցցե՛ Հայաստանի Հանրապետությունը»,- նշել է նա։