Հարավային Լիբանանի Տյուրոս հին քաղաքի բնակելի թաղամասերի ռմբակոծության հետևանքով զոհվել է առնվազն 60 մարդ, ՏԱՍՍ-ին հայտնել է փոխքաղաքապետ Ալվան Շարաֆուդդինը։
«Իսրայելի ավիահարվածների ժամանակ քսանչորս բազմահարկ շենք ամբողջությամբ ավերվել է, իսկ հինգը՝ մասամբ վնասվել: Փլատակների մաքրումից հետո պարզվել է, որ զոհվել է 60 խաղաղ բնակիչ», – գործակալությանը հայտնել է փոխքաղաքապետը։
Նրա խոսքով՝ վերջին ավիահարվածների հետքերը տեսանելի են Տյուրոսի շատ փողոցներում։
«Այն բանից հետո, երբ իսրայելական հրամանատարությունը զգուշացրել էր առաջիկա ավիահարվածների մասին, հունիսի սկզբին քաղաքի բնակչության մոտավորապես 10-15%-ը մնացել էր», – նշել է փոխքաղաքապետը։ «Այժմ, հայտարարված հրադադարից հետո, բնակիչների 89%-ը վերադարձել է, բայց կան ընտանիքներ, որոնք կորցրել են իրենց տները, և մենք փորձում ենք լուծել այս խնդիրը՝ առաջարկելով ժամանակավոր բնակարաններ»։
Քաղաքապետի տեղակալը հիշեցրել է, որ հին Տյուրոսի ավերակները, մասնավորապես՝ ձիարշավարանը, ջրմուղը, հաղթական կամարը և դամբարանը, ներառված են ՅՈՒՆԵՍԿՕ-ի համաշխարհային ժառանգության ցանկում։