ԱՄՆ նախագահ Դոնալդ Թրամփը հայտարարել է, որ «Իրանի ապամիջուկայնացումը» շատ լավ է ընթանում։ Նա այսմասին հայտարարել է Վաշինգտոնի մոտ գտնվող Էնդրյուսի ռազմաօդային բազայում լրագրողների հետ զրույցում՝ Հյուսիսային Դակոտա աշխատանքային այցով մեկնելուց առաջ։
«Իրանի ապամիջուկայնացումը շատ լավ է ընթանում։ Մենք շատ լավ հանդիպումներ ունեցանք», – ասել է ամերիկացի առաջնորդը։ «Ինչպես գիտեք, մենք երեք գիշեր շարունակ շատ ուժեղ հարվածներ ենք հասցրել նրանց, բայց գործերը շատ լավ են ընթանում։ Ես դա անվանում եմ ապամիջուկայնացում, այն տեղի է ունենում։ Ամեն ինչ լավ է ընթանում», – հավելել է նա։