Երիտասարդութեան եւ մարմնակրթութեան նախարար դոկտ. Նորա Պայրագտարեան երէկ իր գրասենեակին մէջ ընդունեց Լիբանանի մէջ Սէուտական Արաբիոյ դեսպան Ֆահետ Պըն Ապտելռահման Տոսարին, որ փրոթոգոլային այցելութիւն տուաւ նախարարութիւն:
Հանդիպումի ընթացքին շեշտուեցաւ Լիբանան-Սէուտական Արաբիա պատմական եւ արմատացած յարաբերութիւններու խորքը, թագաւորութեան աջակցութեան նկատմամբ Լիբանանի գնահատումը, ինչպէս նաեւ երիտասարդութեան եւ մարմնակրթութեան ոլորտներուն մէջ սէուտական առնչակից կողմերուն հետ գործակցութեան նոր հորիզոններ բանալու կարեւորութիւնը:
Դեսպանը նաեւ շեշտեց երկու երկիրներուն միջեւ եղբայրական կապերուն ու փոխադարձ գործակցութեան ամրապնդման նկատմամբ յանձնառութիւնը: