Ռուսաստանը ներկայացնող հայազգի թենիսիստ Կարեն Խաչանովը Ուիմբլդոնի առաջին շրջանի խաղում հաղթեց բրիտանացի Բիլլի Հարիսին։ Մրցաշարը տեղի է ունենում Լոնդոնում։
Խաղն ավարտվեց 6-3, 5-7, 6-3, 6-3 հաշվով՝ Խաչանովի օգտին։ Հարիսը որակավորման փուլը հաղթելով անցավ գլխավոր փուլ։ Երկրորդ շրջանում Խաչանովը կմրցի գերմանացի Յանիկ Հանֆմանի հետ (չդասակարգված)։
30-ամյա Խաչանովը Թենիսի պրոֆեսիոնալների ասոցիացիայի (ATP) վարկանիշային աղյուսակում զբաղեցնում է 22-րդ տեղը։ Նա նվաճել է ATP մենախաղի յոթ տիտղոս։ Նրա լավագույն «Մեծ սաղավարտի» արդյունքները 2022 թվականի ԱՄՆ բաց առաջնության և 2023 թվականի Ավստրալիայի բաց առաջնության կիսաեզրափակիչ հասնելն են։ 2021 թվականին Խաչանովը նվաճեց Օլիմպիական խաղերի արծաթե մեդալը մենախաղում։