Իրանի պատվիրակությունը շուտով կմեկնի Կատար՝ իրանա-ամերիկյան հուշագրի իրականացման վերաբերյալ խորհրդակցություններ անցկացնելու համար, սակայն ԱՄՆ ներկայացուցիչների հետ հանդիպումներ կամ բանակցություններ չեն նախատեսվում։ Այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային։
«10-րդ կետի (Իրանական նավթի արտահանում – խմբ.) համաձայն ԱՄՆ պարտավորությունների համաձայն՝ ամերիկյան կողմը տրամադրել է անհրաժեշտ թույլտվությունները, և այդ պարտավորությունների կատարման մոնիթորինգն այժմ ընթացքի մեջ է։ 11-րդ կետի (Իրանական ակտիվների ապասառեցում – խմբ.) վերաբերյալ նույնպես ընթացքի մեջ է դրա գործնական իրականացումը։ Այս առումով, այս շաբաթ Դոհա կուղարկվի Իրանի Իսլամական Հանրապետությունից փորձագետների պատվիրակություն», – լրագրողներին ասել է Բաղային։
Այնուամենայնիվ, նա հավելել է, որ իրանական և ամերիկյան պատվիրակությունների Դոհա այցը պարզապես համընկել է, և որևէ բանակցություններ կամ հանդիպումներ չեն նախատեսվում։