Հայտնի մարզական ինսայդեր Ֆաբրիցիո Ռոմանոն X-ի իր էջում հաստատել է Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանի տեղափոխությունը Սաուդյան Արաբիան ներկայացնող «Ալ-Ահլի»։
Նշվում է, որ «Կրասնոդարի», ֆուտբոլիստի ներկայացուցիչների և սաուդյան ակումբի միջև գործարքը վերջնականապես ավարտված է։ Տրանսֆերի արժեքը կկազմի 25 միլիոն դոլար։
Ռոմանոն նաև ընդգծում է, որ իտալական «Կոմոն», որի հետաքրքրության մասին ակտիվորեն գրում էր մամուլը, իրականում երբեք բանակցություններ չի վարել հայ կիսապաշտպանի տրանսֆերի շուրջ։