«Նոան» հայտարարել է նոր տրանսֆերի մասին. ակումբի կազմը համալրել է պորտուգալացի դարպասապահ Դանիել Ֆիգեյրան։
Ինչպես տեղեկացնում է հայկական ակումբի մամուլի ծառայությունը, 27-ամյա դարպասապահի վերջին թիմը եղել է Պորտուգալիայի բարձրագույն լիգան ներկայացնող «Ժիլ Վիսենտեն», որտեղից նա համաձայնագրով է տեղափոխվել «Նոա»։
Իր պրոֆեսիոնալ կարիերայի ընթացքում Ֆիգեյրան հանդես է եկել նաև պորտուգալական «Վիտորիա Գիմարայեշ», «Լեյշոեշ» և «Էշտորիլ» ակումբներում։ Երևանյան թիմի կազմում պորտուգալացի դարպասապահը հանդես կգա 99 համարի խաղաշապիկով։