Իսրայելի պաշտպանության նախարար Իսրայել Կացը հայտարարել է, որ Իսրայելի պաշտպանության բանակը «առանց ժամանակային սահմանափակումների» կմնա Լիբանանի և Սիրիայի, ինչպես նաև Գազայի հատվածի անվտանգության գոտիներում: Նա այս հայտարարությունը արել է Իսրայելի պաշտպանության բանակի մարտական ստորաբաժանումների սպաների ավարտական արարողության ժամանակ։
«Իսրայելի պաշտպանության բանակը առանց ժամանակային սահմանափակումների կմնա Լիբանանի, Սիրիայի և Գազայի անվտանգության գոտիներում: Մենք չենք գնա զիջումների Իսրայելի ամենակարևոր անվտանգության հարցում՝ մեր զինվորների և մեր քաղաքացիների պաշտպանության հարցում, և մենք չենք դուրս գա անվտանգության գոտիներից», – ասել է Կացը, ըստ Ynet-ի: «Եթե Թեհրանը հարձակվի Իսրայելի վրա Լիբանանում իր գործողությունների կամ որևէ այլ պատճառով, մենք (Իսրայել – խմբ.) կհարձակվենք նրա (Իրանի – խմբ.) վրա մեր ամբողջ ուժով՝ այնպես, որ հստակ ցույց տա մեր միջև ուժերի անհավասարությունը», – հավելել է Իսրայելի պաշտպանության նախարարը։
Ավելի վաղ Reuters-ը, հղում անելով Պետդեպարտամենտի պաշտոնյային, հայտնել էր, որ Իսրայելը դուրս է եկել Լիբանանի հարավում գտնվող բուֆերային գոտու մի մասից։ Մեկնաբանելով այս պնդումները՝ Իսրայելի պաշտպանության բանակի մամուլի ծառայությունը նույն օրը ՏԱՍՍ-ին հայտնել է, որ Իսրայելը զորքերը դուրս չի բերել հարավային Լիբանանից, և հարավային Լիբանանի անվտանգության գոտում զինվորների տեղակայումը չի փոխվել։