Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հնդկաստանի Ուտար Պրադեշ նահանգում երկու տղամարդ կասկածվում են 4-ամյա աղջկա առևանգման, նրա նկատմամբ սեռական բռնություն գործադրելու և սպանության մեջ, հայտնում է Past.am-ը՝ հղում անելով The Times of India-ին։
Ըստ հրապարակման՝ աղջիկը ծնողների հետ այցելել էր գյուղ՝ հիվանդ պապիկին տեսակցելու։ Մի քանի օր անց երեխան անհետացել է։ Որոնողական աշխատանքներից երեք օր հետո նրա մարմինը հայտնաբերվել է մեկուսացված վայրում՝ բռնության հետքերով։
Իրավապահ մարմինների տվյալներով՝ հանցագործությունը կատարել են երկու տղամարդ։ Նրանցից մեկը՝ 45-ամյա կասկածյալը, դեպքից հետո դիմել է փախուստի և ներկայումս հետախուզվում է։ Նրա ենթադրյալ հանցակիցը ձերբակալվել է հունիսի 21-ին և, ըստ ոստիկանության, խոստովանել է իր մասնակցությունը հանցագործությանը։
Քննության ընթացքում պարզվել է, որ գլխավոր կասկածյալը երկարատև անձնական թշնամանք է ունեցել երեխայի հոր նկատմամբ։ Ըստ նախնական տվյալների՝ նրանք 2021 թվականին մրցակիցներ են եղել գյուղապետի ընտրություններում։ Քննիչների վարկածով՝ տղամարդը, ցանկանալով վրեժ լուծել ընտանիքից, հանցակցի հետ առևանգել է ընտանիքի երեխաներից մեկին։
Գործի հանգամանքները շարունակում են ուսումնասիրվել, իսկ գլխավոր կասկածյալի որոնումները շարունակվում են։
Հետևեք մեզ՝ այստեղ