Հայաստանի տարածքային կառավարման նախարար Դավիթ Խուդաթյանն ու Թուրքիայի տրանսպորտի նախարար Աբդուլքադիր Ուրալօղլուն քննարկել են նախկինում երկու երկրների միջև գործած ավտոմոբիլային ճանապարհների և երկաթուղային կապերի վերականգնման հարցերը։
Հանդիպման մասին հայտնել է Ուրալօղլուն X-ի իր էջում։
«Մեր երկրում անհրաժեշտ վերանորոգման աշխատանքների մեկնարկին զուգահեռ՝ մենք նաև գնահատել ենք հայկական կողմի նախապատրաստական աշխատանքները», – նշել է թուրք նախարարը։
Հայաստանի տարածքային կառավարման և ենթակառուցվածքների նախարարությունն առայժմ այս հանդիպման մասին տեղեկություն չի հաղորդել։
Երևանն ու Անկարան քննարկում են Գյումրի-Կարս երկաթգծի վերականգնման հարցը։