ՀՀ պաշտպանության նախարարությունը 2026 թվականի ամառային զորակոչի շրջանակում հայտարարում է երաժիշտ և պարող մասնագետ զորակոչիկների ընտրության նպատակով մասնագիտական լսումների և դիտումների անցկացում։
Նախարարության տվյալներով՝ գործընթացը միտված է Զինված ուժերի կազմը համալրել համապատասխան մասնագիտական կարողություններով զորակոչիկներով, այդ թվում՝ երաժիշտներով և պարարվեստի մասնագետներով։
Երաժիշտների լսումներին կարող են մասնակցել կլարնետ, սաքսոֆոն, շեփոր, տրոմբոն, տուբա, ինչպես նաև այլ փողային և հարվածային գործիքներ նվագող զորակոչիկները։
Լսումները կանցկացվեն ԶՈՒ ԳՇ զինվորական նվագախմբի փորձասրահում՝ հուլիսի 13–15-ը՝ ըստ զինվորական կոմիսարիատների բաժանման։
Պարարվեստի մասնագետների դիտումները նախատեսված են հուլիսի 16-ին՝ Երևանում գործող «Սարդարապատ» պարի համույթի փորձասրահում։
Հարցերի դեպքում քաղաքացիները կարող են դիմել զինվորական կոմիսարիատներ կամ զանգահարել ՊՆ թեժ գիծ՝ 1-28։