Մեծ Բրիտանիայի վարչապետ Քիր Սթարմերն այսօր հայտարարել է, որ հրաժարական կտա, իսկ նոր առաջնորդը կընտրվի մինչև սեպտեմբերին խորհրդարանի վերադարձը՝ ճանապարհ բացելով, որ Բրիտանիան վերջին 10 տարում ունենա իր յոթերորդ առաջնորդին:
Բրիտանական քաղաքականության մեջ քաոսին վերջ դնելու խոստում տված և խորհրդարանական ընտրություններում տարած ջախջախիչ հաղթանակից երկու տարի անց Սթարմերն ասաց՝ հստակ է, որ իր կուսակցությունը ցանկանում է, որ նա հեռանա։
Նա նշել է, որ իրեն փոխարինելու համար թեկնածուների առաջադրումները կսկսվեն հուլիսի 9-ին։ Սակայն նրա մրցակից Էնդի Բուրնհամը համարվում է առաջատար թեկնածուն։
Նախօրեին ԱՄՆ նախագահ Դոնալդ Թրամփը հայտարարեց, որ Մեծ Բրիտանիայի վարչապետ Քիր Սթարմերը հրաժարական կներկայացնի.
«Քիր Սթարմերը հրաժարական կներկայացնի Միացյալ Թագավորության վարչապետի պաշտոնից», – սոցցանցում գրել էր ԱՄՆ նախագահը՝ նշելով, որ վարչապետ Սթարմերը «լիովին ձախողվել է երկու շատ կարևոր հարցերում՝ միգրացիա և էներգետիկա»:
«Նրան մաղթում եմ ամենայն բարիք», – հավելել էր Սպիտակ տան ղեկավարը։