Միացեալ Նահանգներու մէջ Իսրայէլի դեսպան Եխիէլ Լէյթեր յայտնեց, որ իր երկիրը պիտի շարունակէ լիբանանեան ճակատին վրայ զինադադարին յանձնառու մնալ, այնքան ատեն որ Հըզպալլան համաձայնութեան յանձնառու է: Այս մասին հաղորդեց «Ճուիշ Ինսայտըր»-ը:
Ան միեւնոյն ժամանակ շեշտեց, որ Իսրայէլ ինքն իրեն կը վերապահէ որեւէ յարձակումի կամ ապահովական սպառնալիքի հակադարձելու իրաւունքը:
Իսրայէլի դեսպանը այս յայտարարութիւնը կատարեց, մինչ Միացեալ Նահանգներ ջանք կը թափեն Իսրայէլի եւ Լիբանանի միջեւ Ուաշինկթընի մէջ ամերիկեան հովանաւորութեամբ բանակցութիւններու ընթացքին գոյացած զինադադարը ամրապնդելու: