Ռուսաստանի հետ ԵՄ-ի բանակցությունների պահը դեռ չի եկել, բայց Եվրոպական Միությունը Ռուսաստանի հետ ուղիղ շփումների կարիք ունի։ Այս մասին հայտարարել է Եվրոպական խորհրդի նախագահ Անտոնիու Կոշտան ԵՄ գագաթնաժողովից հետո տեղի ունեցած մամուլի ասուլիսում, որտեղ ԵՄ որոշ առաջնորդներ կտրուկ քննադատել են նրան Մոսկվայի հետ հաղորդակցության ուղիներ հաստատելու փորձի համար։
«Ցավոք, Ռուսաստանի հետ բանակցությունների պահը դեռ չի եկել։ Բայց մենք պետք է անհապաղ ուղիղ դիվանագիտական ուղիներ հաստատենք Ռուսաստանի հետ, քանի որ պետք է լսենք նրանց և խոսենք նրանց հետ։ Բոլոր առաջնորդներն ասում են, որ ԵՄ-ն պետք է լինի ապագա բանակցությունների սեղանի շուրջ, ինչը նշանակում է, որ մենք պետք է սկսենք խոսել», – ասել է նա՝ հավելելով, որ «միայն ԵՄ ինստիտուտները կարող են ներկայացնել Եվրամիության շահերը»։