Բրազիլացի լեգենդար ֆուտբոլիստ, աշխարհի կրկնակի չեմպիոն Ռոնալդոն հայտարարել է, որ արգենտինացի հարձակվող Լիոնել Մեսսիին համարում է բոլոր ժամանակների մեծագույն ֆուտբոլիստ։
Հյուսիսային Ամերիկայում ընթացող ԱԱ-2026-ի խմբային փուլի առաջին խաղում Արգենտինայի ընտրանին 3:0 հաշվով հաղթել էր Ալժիրի ընտրանուն։ Մեսսին դարձել էր հեթ-տրիկի հեղինակ և աշխարհի առաջնություններում խփած գոլերի քանակով (16 գոլ) հավասարվել ռեկորդակիր Միրոսլավ Կլոզեին։
«Ամեն անգամ, երբ Մեսսին դուրս է գալիս խաղադաշտ, մնացած ամեն ինչ վերածվում է պատմության և նրբագեղության։ Ժամանակն է դադարել թաքնվել և ընդունել այն փաստը, որ նա բոլոր ժամանակների լավագույն խաղացողն է:
Նա շարունակում է փայլուն խաղ ցուցադրել յուրաքանչյուր մրցաշրջանում և աշխարհի առաջնությունում»,- հանրահայտ բրազիլացու խոսքերն է մեջբերում Mundo Deportivo-ն։