Մոսկվայում մեկնարկել է Ռուսաստանի և Թուրքիայի արտաքին գործերի նախարարներ Սերգեյ Լավրովի և Հաքան Ֆիդանի հանդիպումը։
Այն ընթանում է Ռուսաստանի արտաքին գործերի նախարարության ընդունելությունների տանը։
Նախարարները սկզբում ունեցել են դեմ առ դեմ հանդիպում։ Այնուհետև բանակցությունները կշարունակվեն պատվիրակությունների մասնակցությամբ։
«Մենք մանրամասն քննարկել ենք Հարավային Կովկասում տիրող իրավիճակը և Ադրբեջանի ու Հայաստանի միջև ընթացող խաղաղության գործընթացը։ Սա շատ կարևոր ասպեկտ է տարածաշրջանում խաղաղության համար», – ասել է Թուրքիայի արտգործնախարարը Մոսկվայում Լավրովի հետ համատեղ ճեպազրույցի ժամանակ։