Իսրայէլի վարչապետ Պենիամին Նեթանիահու լիբանանցիներուն կոչ ուղղեց` Հըզպալլայի դէմ Իսրայէլի պատերազմին միանալու` նշելով, որ Լիբանանը կուսակցութեան մօտ «պատանդ»-ի վերածուած է:
Նեթանիահու տեսագրուած պատգամի մը մէջ յայտնեց. «Իսրայէլ ձեր դէմ պատերազմի մէջ չէ: Մենք պատերազմի մէջ ենք Հըզպալլայի հետ, որ ձեր երկիրը պատանդ վերցուց: Իսրայէլ ձեր եւ Լիբանանի հետ խաղաղութիւն կ՛ուզէ»:
«Ձեր ապագան կառուցեցէ՛ք, Իսրայէլին միացէ՛ք, մեր բոլոր մանուկներուն համար ապահովութիւն եւ բարգաւաճում կառուցեցէ՛ք: Երբ Հըզպալլան կազմալուծուի, կարելիութիւնները անվերջ եւ շատ հսկայական պիտի ըլլան»: