Աղբիւր մը ԱՖՓ լրատու գործակալութեան յայտնեց. «Փաքիստանեան բանակի հրամանատար Ասեմ Մունիր երեքշաբթի օր հանդիպում ունեցաւ լիբանանեան բանակի հրամանատար Ռուտոլֆ Հայքալի հետ, որ շաբաթ օր հասաւ Փաքիստան:
Լրատու գործակալութիւնը հաղորդեց, որ անոնք համաձայնեցան իրենց երկիրներուն միջեւ զինուորական գործակցութիւնը ամրապնդելու:
Այցելութեան օրակարգին ծանօթ աղբիւր մը ԱՖՓ-ին ըսաւ. «Լիբանանը (Իրանի եւ Միացեալ Նահանգներու միջեւ) բանակցութիւններուն հիմնական բաժին մըն է»:
Փաքիստանեան բանակը հաղորդակցութիւն մը հրապարակելով յայտնեց, որ երկու բանակներուն հրամանատարները քննարկած են «հասարակաց հետաքրքրութիւն ներկայացնող, զարգացող շրջանային ապահովական կացութեան, պաշտպանական գործակցութեան վերաբերող հարցեր եւ երկկողմանի զինուորական յարաբերութիւնները ամրապնդելու հորիզոնները»:
Մունիր շեշտած է, որ փաքիստանեան բանակը յանձնառու է լիբանանեան զինեալ ուժերուն հետ պաշտպանական գործակցութիւնը ընդլայնելու:
Զօր. Հայքալ շաբաթ օր Փաքիստան մեկնած էր իր պաշտօնակից Ասեմ Մունիրի հետ հանդիպում ունենալու համար: