Վիքթոր Ուեմպանեամա իր առաջին յաղթանակը արձանագրեց «Էն. Պի. Էյ.»-ի աւարտական մրցումներուն գծով, եւ Նիւ Եորք Նիքս անակնկալ ձեւով դժուարութիւն ունեցող եւ իր դաշտին վրայ կրեց առաջին պարտութիւնը վերջին 14 փլէյ-օֆի մրցումներուն:
Ուեմպանեամա 32 կէտ, 8 ռիպաունտ եւ 8 էսիսթ ձեռք ձգեց եւ Սան Անթոնիօ Սփըրզ 115-111 արդիւնքով պարտութեան մատնեց Նիւ Եորք Նիքսը` «Մետիսըն Սքուեր Կարտըն»-ի մէջ:
Սան Անթոնիօ կը փորձէ առաջին անգամ ըլլալով անակնկալ վերադարձ մը կատարելով դառնալ «Էն. Պի. Էյ.»-ի ախոյեան` առաջին երկու մրցումները կորսնցնելէ ետք:
Սփըրզ Միացեալ Նահանգներու նախագահ Տոնալտ Թրամփի ներկայութեան պարտութեան մատնեց Նիւ Եորքը, որ 46 օրերէ ի վեր պարտութիւն չէր կրած:
Սթեֆըն Քեսըլ եւ Տ՛Արոն Ֆոքս կարեւոր կէտեր նշանակեցին ի նպաստ Սփըրզի, որ փախուստ տուաւ 3-0 ճակատումներու արդիւնքով ետ մնալէն:
Այժմ առիթ է մրցում մը եւս յաղթելու վաղը առաւօտեան` յոյսերը պահելու համար: Քեսըլ 23 կէտ աւելցուց, մինչ Նիւ Եորքէն փայլեցան միայն Ճէյլըն Պրանսըն (32 կէտ) եւ Օ. Ճի. Անունոպի (28 կէտ):