«Ֆորմիւլա 1». Քիմի Անթոնելլի Շահեցաւ Մոնաքոյի Կրան Փրին

19 տարեկան իտալացի վարորդ Քիմի Անթոնելլի իր յաջորդական 5-րդ կրան փրին շահեցաւ, երբ յաջողութեամբ անցաւ ժամանման գիծ իր «Մերսետես»-ով` ետին ձգելով «Ֆեռարի»-ի վարորդ Լուիս Համիլթընը:

«Մերսետես»-ի իր խմբակից Ճորճ Ռասըլ 13-րդ դիրքը գրաւեց, մինչ Փիեռ Կասլի «Ալփին»-ով գրաւեց 3-րդ դիրքը, բայց փեթլէյնի մէջ սահմանուած արագութենէն աւելի վարելու համար 7-րդ դիրք նահանջած էր` 3-րդ դիրքը «յանձնելով» «Ռետ Պուլ»-ի Իսաք Հաժարին:

4 անգամ աշխարհի ախոյեան Մաքս Վեշթափըն, որ շատ լաւ արդիւնք ձեռք ձգած էր, օր մը առաջ փոլ փոզիշընի փորձերուն Բ. դիրքէն պիտի սկսէր կրան փրին, բայց ինքնաշարժը խանգարում ունենալով չկրցաւ սկսիլ իսկ մրցումը:

Անթոնելլի ըստ երեւոյթին մրցակից չունի այս տարի, մանաւանդ որ խմբակից Ռասըլ բաւական անբախտ տարի մկ կ՛ունենայ` կէտերով ետ մնալով իր խմբակիցէն:

Անբախտ էր նաեւ «Ֆեռարի»-ի վարորդ Շարլ Լըքլերը, որ իր «տան» մրցումին աններելի սխալ մը գործեց եւ ինքնաշարժին չկրցաւ տիրապետել արկած մը ունենալով, երբ փոտիումի համար կը պայքարէր: Պէտք է ըսել, որ Մոնաքոյի շրջավազքը, որ արդէն իսկ շատ նեղ է, եւ գրեթէ անկարելի է մրցակիցի մը անցնիլը, կիրակի օր հարուստ էր փենալթիներով, ուր 6 վարորդներ բնականէն աւելի արագ վարելու համար ինքնաշարժը 10 երկվայրկեանով պատժուեցան:

Ստորեւ` Մոնաքոյի կրան փրիին արդիւնքները.

1.- Քիմի Անթոնելլի («Մերսետես»)
2.- Լուիս Համիլթըն («Ֆեռարի»)
3.- Իսաք Հաժար («Ռետ Պուլ»)
4.- Օսքար Փիասթրի («Մաքլարեն»)
5.- Լիամ Լոսըն («Ռէյսինկ Պուլզ»)
6.- Արվիտ Անտպլատ («Ռէյսինկ Պուլզ»)
7.- Փիեր Կասլի («Ալփին»)
8.- Ալեքս Ալպոն («Ուիլիամս»)
9.- Էսթեպան Օքոն («Հաաս»)
10.- Սերխիօ Փերես («Քատիլաք»)