Իսրայելի բանակի հատուկ նշանակության ուժերը գործողություն են սկսել «Հեզբոլլահ» շիա աշխարհազորային ստորաբաժանումների դեմ՝ Նաբաթիեի՝ Լիբանանի հարավում գտնվող համանուն նահանգապետարանի ծայրամասում, հաղորդում է Al Hadath հեռուստաալիքը։
Հեռուստաալիքի տվյալներով՝ Բեյրութից 75 կիլոմետր հեռավորության վրա գտնվող քաղաքի ծայրամասում հարձակումը սկսվել է ինտենսիվ ավիահարվածներից և հրետանային պատրաստությունից հետո։ Իսրայելական ուժերը ռոբոտներ են օգտագործում պայթուցիկ նյութեր և դիվերսիոն խմբեր հայտնաբերելու համար։
Հունիսի 6-ին «Հեզբոլլահ»-ը հայտնել է, որ շիա զինյալները կրակ են բացել իսրայելական հրամանատարական կետի և զրահատեխնիկայի կենտրոնացման վրա՝ միջնադարյան Բոֆորտ ամրոցի մոտ, որը գտնվում է Նաբաթիեհից 8 կիլոմետր հեռավորության վրա և վերահսկվում է օկուպացիոն ուժերի կողմից։ Մեկ «Մերկավա» տանկ խոցվել է կառավարվող հրթիռով։