11 յունիսին տեղի պիտի ունենայ 2026-ի մոնտիալի բացման մրցումը, մինչ աւարտական մրցումը տեղի պիտի ունենայ 19 յուլիսին:
Թեկնածուներու պարագլուխի դիրքերը կը գրաւեն Սպանիան եւ Ֆրանսան, մինչ Փորթուգալ եւ Անգլիա քիչ մը աւելի թեկնածութեան կէտեր ունին, քան Պրազիլ, Արժանթին, եւ աւելի նուազ` Գերմանիա:
Պատմական առումով բոլորը գիտեն, թէ Պրազիլ 5 անգամ շահած է մոնտիալը (1958, 1962, 1970, 1994 եւ 2002), մինչ Գերմանիա (1954, 1974, 1990 եւ 2014) եւ Իտալիա (1934, 1938, 1982 եւ 2006) 4-ական տիտղոս ունին: Արժանթին, որ վերջին Մոնտիալի տիտղոսակիրն է, նախապէս 1978-ին եւ 1986-ին շահած էր, իսկ Ֆրանսա 2 Մոնտիալ շահած է 1998-ին եւ 2018-ին:
Բայց ամէնէն շատ կիսաւարտականի հասած է Գերմանիա (12 անգամ) եւ 8 անգամ ալ հասած է աւարտական: Պրազիլ 7 անգամ մասնակցած է աւարտական մրցումի, մինչ Իտալիա եւ Արժանթին 6-ական անգամ հասած են աւարտական: Ֆրանսա 4 անգամ հասած է աւարտական: