Ճէյմս Միլնըր որոշեց ֆութպոլը լքել 40 տարեկանին` վերջ դնելով 24 տարուան փայլուն ասպարէզին:
Աշխատասէր միջնապահը «Փրեմիեր լիկ»-ի պատմական մարզիկներէն մէկը կը նկատուի, իր ասպարէզը սկսած էր Լիծ Եունայթըտի հետ, ապա խաղցած Նիւքեսըլի, Ասթոն Վիլայի, Մանչեսթըր Սիթիի, Լիվըրփուլի եւ վերջերս Պրայթընի հետ:
Այդ ժամանակաշրջանին Միլնըր շահած է «Փրեմիեր լիկ»-ի 3 տիտղոսներ, 2 անգամ «Էֆ. Էյ. Քափ» (Անգլիոյ բաժակ), երկու անգամ «Ի. Էֆ. Էլ. Քափ» (Լիկայի բաժակ) ինչպէս նաեւ «Չեմփիընզ լիկ»:
Ան 658 մրցումներու մասնակցած է` բարելաւելով Կարեթ Պերիի մրցանիշը: Միջազգային գետնի վրայ, ան 61 անգամ կրած է Անգլիոյ ազգային խումբին շապիկը` 2009-ի եւ 2016-ի միջեւ:
Ան «Փրեմիեր լիկ»-ի 2 տիտղոս շահած է Սիթիի հետ եւ 1 տիտղոս Լիվըրփուլի հետ, ինչպէս նաեւ «Չեմփիընզ լիկ»-ը Լիվըրփուլի հետ: