Միացյալ Նահանգները չի ապասառեցնի իրանական ակտիվները կամ չի վերացնի Իսլամական Հանրապետության դեմ պատժամիջոցները՝ որպես հնարավոր գործարքի ստորագրման բոնուս։ ԱՄՆ պետքարտուղար Մարկո Ռուբիոն այս դիրքորոշումը ներկայացրել է Ներկայացուցիչների պալատի հատկացումների հանձնաժողովի լսումների ժամանակ։
«Ամեն ինչ կախված կլինի պայմաններից։ Սա նշանակում է, որ (ԱՄՆ-ի կողմից) ստորագրման բոնուս, բարի կամքի դրսևորում չի լինի», – հայտարարել է ԱՄՆ պետքարտուղարը՝ պատասխանելով իրանական ակտիվների ապասառեցման կամ Իսլամական Հանրապետության դեմ ԱՄՆ պատժամիջոցների վերացման հնարավորության վերաբերյալ հարցին։
«Իհարկե, եթե այդ միջոցները օգտագործվեն միջնորդ(պրոքսի) ուժերի ֆինանսավորման համար, դրանք չեն վերադարձվի», – ընդգծել է Ռուբիոն։ Միևնույն ժամանակ, նա հավելել է, որ ամերիկյան սահմանափակումների հնարավոր վերացման համատեքստում քննարկվում են «Թեհրանի միջուկային ծրագրին անմիջականորեն առնչվող կոնկրետ պատժամիջոցներ»։